Almatyda gandboldan Qazaqstan men Ózbekstan áıelder qurama komandalary synǵa túsýde
ALMATY. 10 maýsym. QazAqparat /Ádilet Musahaev/ - Almatydaǵy «Dostyq» sport kesheninde gandboldan Qazaqstan men Ózbekstan áıelder komandalary «Halyqaralyq gandbol federatsııasynyń aýyspaly júldesi» úshin kúresýde.
Bul týrnır Qurlyqtyq federatsııalar men jergilikti uıymdastyrýshylardyń seriktekstik quryp, erler jáne áıelder komandalary oıynshylarynyń, sonymen qatar jattyqtyrýshylar men tóreshilerdiń sheberligin jetildirýi úshin júrgiziletin halyqaralyq gandbol federatsııasynyń remı is-sharasy bolyp tabylady.
Oǵan Taıland, Qytaılyq Taıpeı, Ózbekstan jáne Qazaqstannyń qurama komandalary qatysýda. Týrnır jeńimpazdary Júldeni halyqaralyq fazada qorǵaý quqyǵyna ıe bolady.
«Qazaqstan quramasy gandboldan Azııa aımaǵynda eń myqty komandalardyń biri bolyp tabylady. Bizdiń qyzdar aımaqta birneshe ret chempıon atanǵan. 2008 jyly el quramasy Qazaqstan tarıhynda tuńǵysh ret tórt jyldyq merzimniń basty jarysy bolyp tabylatyn Beıjińdegi 29-shy jazǵy Olımpıada oıyndaryna qatysty», -deıdi QR GF-nyń vıtse- prezıdenti NıkolaıAstafev.
Atalǵan týrnır aıasynda slovenııalyq jetekshi ınstrýktýr Stefan Djagtyń qatysýymen jattyqtyrýshylyq jáne tóreshilik kýrstary ótkiziledi.
