Almatyda gandboldan 11-shi Azııa chempıonaty bastaldy
ALMATY. 14 qyrkúıek. QazAqparat /Erbol Azanbek/ - Almatydaǵy «Dostyq» sport kesheninde 21 jasqa deıingi qyzdar arasynda 11-shi Azııa chempıonatynyń oıyndary bastaldy.
Chempıonat shymyldyǵyn Japonııa men Taıpeı quramasy ashty. Qazirgi kezde Gonkong pen Koreıa quramasy óner kórsetýde. Bizdiń jerlesterimiz búgin keshke Ózbekstan quramasymen synǵa túsedi. Buǵan deıin habarlaǵanymyzdaı oıyndardyń resmı ashylýy qyrkúıektiń 16-sy kúni Balýan Sholaq atyndaǵy sport saraıynda ótedi. Chempıonat qyrkúıektiń 20-sy kúni márege jetedi. Dál osy kúni Azııa chempıony anyqtalyp, 14 oryndy ıelengen quramalarǵa 2012 jyly Chehııada ótetin Álem chempıonatyna joldama beriledi.
Chempıonatta Qazaqstan namysyn 16 gandbolshy qyzymyz qorǵaıdy. Eske sala keteıik, Qazaqstan quramasy qol dobynan buǵan deıin 3 ret Azııa chempıony atanǵan bolatyn. Qurama komandanyń aǵa jattyqtyrýshysy Májıt Kármenulynyń aıtýynsha, qyzdar bul joly da chempıondyq bıikten kórinýge tyrysady.
