Almatyda ǵalymdar marapattaldy
«Kez-kelgen eldiń búgini men bolashaǵy sol eldiń ǵalymdarynyń jumysyna tikeleı baılanysty. Ásirese qazirgi kezeńde ómirdi ǵylymsyz elestetý múmkin emes. 21 ǵasyrda ǵylym men ınnovatsııa - adamzat damýynyń basty qozǵaýshy kúshine aınaldy. Osy turǵydan kelgende Qazaqstan óziniń tarıhy tereń tamyrymen, álemge tanymal kórnekti ǵalymdarmen, ǵylymı zertteý mektepterimen dástúrli ǵylymı jurtshylyq moıyndaǵan ǵylymı jańalyqtarǵa ıe. Ǵylymı ınnovatsııa - áleýeti zor sala. Elimizdiń osyndaı aýqymdy jetistikterge qol jetkizýi eń aldymen Nursultan Nazarbaevtyń jáne sizderdiń qajyrly eńbekterińizdiń, ǵylymı izdenisterińizdiń arqasy. Bul rette eldiń ǵylymı ortalyǵy, zııatkerlik qoǵam shoǵyrlanǵan qala retinde Almatynyń orny aıryqsha. Munda ǵylymnyń basty ordasy QR UǴA, JOO basym bóligi, jetekshi ınstıtýttar toptasqan. 9 myńǵa jýyq ǵylymı qyzmetker ómir súredi. Barshalaryńyzdy merekelerińizben quttyqtaımyn», - dedi qalalyq Bilim basqarmasynyń basshysy Gúlnar Qojabergenova qala ákimi Baýyrjan Baıbektiń quttyqtaý sózin jetkize otyryp.
Resmı bólimnen soń ǵylym salasynyń mamandaryna, ǵalymdarǵa QR BǴM atynan «Ǵylymdy damytýǵa sińirgen eńbegi úshin» jáne «Eńbek ardageri» medaldary tabys etildi.
