Almatyda ǵalymdar akademık Shahmardan Esenovtiń 90 jyldyǵyn atap ótti
ALMATY. QazAqparat - Almatyda Qazaqstannyń geologııa ǵylymynda esimi Qanysh Sátbaevtan keıin atalatyn, akademık, memleket qaıratkeri Shahmardan Esenovtiń 90 jyldyǵyna oraı «Qazaqstan mıneragenııasy» taqyrybynda halyqaralyq konfentsııa ótti, dep habarlaıdy QazAqparat tilshisi.
Ǵylymı konferentsııa Q.I.Sátbaev atyndaǵy geologııa ınstıtýtynda ótti. Akademık Sh.Esenov atyndaǵy qor uıymdastyrǵan ǵylymı jıynǵa 250-ge jýyq ǵalym keldi. Ózbekstan, Reseı, Qyrǵyzstan, Avstralııa, Izraıl syndy elderden kelgen ǵalymdar baıandama oqysa, jıynǵa kele almaǵan onyń zamandastary beınejazba arqyly estelikterimen bólisti. Halyqaralyq ǵylymı-tájirıbelik konferentsııada metallogendik karta, jer qazba baılyqtaryn izdeý, boljaý taqyrybynda 70 jýyq baıandama jasalyp, 104 ǵylymı ortalyqtyń ókilderi, 23 ǵylym doktory, 50 ǵylym kandıdaty ǵylymı jańalyqtarymen bólisti.
«Men Shahmardan Esenov kózi tirisinde bastap ketken ǵylymı geologııalyq ǵylymı zerthanaǵa jetekshilik etemin. Bizdiń ǵylymı top óndiriske barynsha jaqyn. Men Shahmardan Esenov bastap ketken kesteni baıandamamda oqydym. Ol: ǵylym, óndiris, geologııalyq tabys. Qazir mamandar tapshy, degenmen bul tásildiń tıimdiligin ýaqyt ózi dáleldep bergen. Ken ornyn tabý ol geologııa ǵylymymen tikeleı baılanysty. Meniń ınstıtýt qabyrǵasyndaǵy 3 kýrsymnan bastap, men Shahmardan Esenovtiń jaqsylyǵyn kórdim. Ol óz isiniń sheberi bolsa, adam retinde de zańǵar tulǵa edi. Ol basyna qonǵan baqyt, abyroıdy sońyna deıin kir túsirmesten alyp ótti», - deıdi Q.I.Sátbaev atyndaǵy geologııa ǵylymı ınstıtýtynyń ǵalymy Eleonora Seıitmuratova.
