Almatyda ǵalym jáne saıası qaıratkerdiń ómir joly órnektelgen kitaptyń tusaýkeseri boldy
ALMATY. Qarashanyń 10-y. QazAqparat /Erlik Erjanuly/ - Búgin Almatyda «Báıdibek Tólepbaev - asa kórnekti ǵalym jáne saıası qaıratker» dep atalatyn kitaptyń tanystyrylymy ótti,
dep habarlaıdy QazAqparat.
Ol «Nurly álem» baspasynan jaryq kórgen. Qurastyrýshylary - QR UǴA akademıgi, tarıh ǵylymynyń doktory Bolat Kómekov pen tarıh ǵylymynyń kandıdaty Kenjegúl Tólepbaeva.
Kitaptyń alǵashqy bólimine Báıdibek Ahmetulynyń ómiri men qyzmeti týraly áriptesteri, dostary men týystarynyń estelikteri toptastyrylǵan. Ekinshi bólimge qaıratker, ǵalym jaıly maqalalar, retsenzııalar men mereıtoılyq baıandamalar jınaqtalǵan.
