Almatyda ǵalym Patshaıym Tájibaeva týraly kitap jaryq kórdi
arat /Názıra Eleýhan/ - Búgin Almatyda geologııa-mıneralogııa ǵylymynyń doktory, professor, Qazaqstan UǴA korrespondent múshesi, memleket jáne qoǵam qaıratkeri Patshaıym Tájibaevanyń 90 jyldyq mereıtoıyna arnalǵan «Ǵylymda dara, ómirde dana Patshaıym» dep atalatyn kitaptyń tusaýkeseri bolyp ótti,
dep habarlaıdy QazAqparat.
Atalmysh kitap «Arda» baspasynan 1000 danamen shyqty. Kitapta ǵalymnyń áriptesteri men shákirtteriniń, dostarynyń Patshaıym Tájibaeva týraly jazǵan pikirleri men estelikteri, ǵalymǵa arnaǵan óleń jyrlary, estelik-esseleri toptastyrylǵan. Kitapty qurastyrǵandar: QR eńbek sińirgen qaıratkeri, belgili qazaq jazýshysy Sábıt Dosanov pen ál-Farabı atyndaǵy QazUÝ-niń oqytýshysy, akademık, professor Quralaı Qoshqarova.
«Tabıǵı talanty men tabandy eńbegi arqasynda ǵylymda jańalyq ashqan tuńǵysh qazaq qyzy Patshaıymdy halqymyzdyń dara tulǵalary Shara Jıenqulova, Dına Nurpeıisova, Kúlásh Baıseıtova syndy dana tulǵalar qatarynan kóremin. Ol naǵyz - «Qazaqtyń patshaıymy, ǵylymnyń hanshaıymy, birinshi áıel geology». Onyń eńbekteri qashanda ózekti bolyp tabylady», deıdi Qazaqstan Halyqtar dostyǵy ýnıversıtetiniń prezıdenti, akademık, hımııa ǵylymdarynyń doktory, professor Ábdimusa Qýatbekov.
