Almatyda ǵalym K. Qojahmetova týraly qos kitaptyń tusaýy kesildi
ALMATY. QazAqparat- Búgin Almatyda Qazaq memlekettik qyzdar pedagogıkalyq ýnıversıtetinde ótip jatqan «Álemdik jáne qazaqstandyq bilim-ǵylym keńistigindegi etnopedagogıka men etnopsıhologııa» halyqaralyq ǵylymı-praktıkalyq konferentsııasy aıasynda qos kitaptyń tusaýy kesildi. Olar qazaq etnopedagogıkasynyń ádisnamalyq negizin salýshy kórnekti ǵalym Klara Jantóreqyzy Qojahmetova jaıynda jazylǵan.
«Bekzat bolmys» atty birinshi kitapqa Qazaqstan pedagogıkalyq ǵylymdar akademııasy, Halyqaralyq pedagogıkalyq bilim berý ǵylymdary akademııasy jáne Halyqaralyq pedagogıkalyq akademııasynyń akademıgi Klara Jantóreqyzy Qojahmetovanyń taǵylymdy ǵumyry, pedagogıkalyq qyzmeti men ǵylymdaǵy jetistikteri týraly áriptesteri men shákirtteriniń jáne jaqyndarynyń estelik-jazbalary engen.
«Professor Klara Jantóreqyzy Qojahmetovanyń ǵylymı mektebi» atty ekinshi kitapta ǵalym K. J. Qojahmetovanyń ǵylymı mektebiniń máni men mazmuny, qurylymy men damý baǵyttary baıandalady. Sonymen qatar, ǵalym shákirtteri týraly málimetter men ǵylymı taqyryptary týraly maqalalary berilgen.
Sondaı-aq, búgingi konferentsııa barysynda ǵalymnyń shákirtteri ǵylymı jumystarmen aınalysatyn úzdik stýdentterge qoldaý kórsetý maqsatynda Qyzdar ýnıversıtetiniń birinshi prorektory Bahodır Álıevke 20 myń teńgelik tegin sertıfıkattardy tabys etti.
