Almatyda ǵalym- akademıkter «Qazaqstan-2020» demokratııalyq kúshterdiń jalpyulttyq koalıtsııasyna kirgendikterin málim etti
ALMATY. 17 qańtar. QazAqparat /Ádilet Musahaev/ - Búgin Almatyda Ulttyq Ǵylym akademııasy men Ulttyq ınjenerlik akademııanyń akademıkteri, ǵylym ókilderin «Qazaqstan-2020» demokratııalyq kúshterdiń jalpyulttyq koalıtsııasyn qurý jónindegi memorandýmdy qoldaýǵa shaqyryp, baspasóz máslıhatyn ótkizdi.
Bastamashy toptyń tóraǵasy, UǴA-nyń prezıdenti Murat Jurynov bastamashy top Qazaqstannyń barlyq oblystarynda jumys istep, saılaýshylardyń jartysynan kóbi referendýmdy qoldaǵandyǵyn aıtady. «Nur Otan» HDP Qazaqstandaǵy demokratııalyq kúshterdiń jalpyulttyq koalıtsııa qurý týraly usynys jasaǵan edi. Qazir osy usynysty elimizdiń jurtshylyǵy qoldap, qyzý talqylaýda», -deıdi M.Jurynov.
Atalǵan sharaǵa Ábdimálik Nysanbaev, Karl Baıpaqov, Jeksembek Ádilov, Tólegen Qojamqulov, Amandyq Tóleshov, Erǵalı Shaıfýtdınov syndy akademıkter qatysyp, Elbasynyń táýelsizdik alǵan jyldardan beri atqarǵan eńbekterine toqtalyp, Prezıdentiń ókilettigin 2020 jylǵa deıin uzartý qajettigin sóz etti.
