Almatyda «Gakku daýysy» festıvali ótedi
ALMATY. QazAqparat - Almatyda 14 qyrkúıek kúni «Gakku daýysy» VI qazaqstandyq estrada festıvali «Astana» alańynda ótedi, dep habarlaıdy QazAqparat tilshisi.
«Gakku daýysy» - bul jyl saıynǵy qazaqstandyq mýzyka festıvali.
«Gakku» telearnasy uıymdastyratyn kontsert eń tanymal ánshilerdiń basyn qosady. Aldyńǵy býynnyń jaryq juldyzdary men túrli janrdaǵy jas mýzyka ókilderi bir sahnada óner kórsetedi.
Festıvaldiń basty maqsaty - jastar arasynda otansúıgishtikti nasıhattaý.
Ótken jyly, besinshi mereıtoılyq kontsertti tamashalaýǵa 200 myńdaı adam jınaldy. Sondaı-aq, «Gakku» telearnasy men YouTube-tegi tikeleı efır arqyly kontsertti elimizdiń túkpir-túkpirindegi ánsúıer qaýym kórip shyqty.
