Almatyda G.Golovkındi qoldaǵan fleshmob uıymdastyryldy
ASTANA. QazAqparat - Gennadıı Golovkın men Domınık Ýeıdtiń jekpe-jegi qarsańynda BI Group qyzmetkerleri qazaqstandyq boksshyny qoldaǵan fleshmob uıymdastyrdy.
«Erteń urys, biz jankúıer bolamyz! Erteńgi 21 jáne 41 shaqyrymdyq Almaty marafonyna bizdiń qatysýshylardyń oryndaýynda fleshmob!!! Astanadan bizdiń 60 qyzmetker ushyp keldi!!!», - dep jazdy BI Group basshysy Aıdyn Rahymbaev óziniń Facebook-tegi paraqshasynda.
Eske sala keteıik, WBA (Super), IBO, IBF jáne WBC (Interim) nusqalary boıynsha orta salmaqtaǵy Gennadıı Golovkın men jeńilmegen amerıkandyq, IBF úmitkeri Domınık Ýeıdtiń urysy 23 sáýirde Los-Andjelestiń Forum arenasynda ótedi. Astana ýaqytymen «Qazaqstan» telearnasyndaǵy translıatsııa 24 sáýir kúni tańǵy saǵat 7:00-de bastalady.
