Almatyda Ǵ.Esimniń «Sotsıalızm - kúná jáne kiná týraly roman» atty kitabynyń tusaýkeseri ótpek
ALMATY. 23 mamyr. QazAqparat /Ádilet Musahaev/ - 28 mamyr kúni ál-Farabı atyndaǵy Qazaq ulttyq ýnıversıtetiniń fılosofııa jáne saıasattaný fakýltetinde QR Parlamenti Senatynyń depýtaty, QR UǴA akademıgi, professor Ǵarıfolla Esimniń «Sotsıalızm - kúná jáne kiná týraly roman» atty kitabynyń tusaýkeser rásimi ótedi.
Belgili fılosof, jazýshy Ǵarıfolla Esimniń uzaq jyldarǵy oı-tolǵanys, izdenisinen týǵan «Sotsıalızm» atty romany fılosofııalyq proza dəstúrinde jazylǵan. Sotsıalızm týraly teorııalyq məselelermen avtordyń ómirbaıandyq sıýjetteri úılesimdi sheshim taba otyryp, kinə men kúnə týraly hıkaıalar baıandalǵan. Sotsıalızm ýtopııa emes, mıllıondardyń ómiri men taǵdyry bolǵany týraly baıandaıtyn estelik-hıkaıalar oqyrmanǵa erekshe əser qaldyratyn əri oılandyratyn, maǵynalary tereń kórkem shyǵarmalar.
Kitaptyń ekinshi bóliminde «Jaqsy adam jəne taǵdyr» degen toptamasyna fılosofııalyq mazmundaǵy «Tańsulý», «Baba jurt», «Adam Ata men Haýa Ana hıkaıalary», «Tutqyn jáne bozbala», «Demalys kúni», «Ananyń kóz jasy», «Keshke deıin de ǵumyr bar», «Tuqym», «Shaıtannyń kúlkisi», «Ene men kelin», «Nemere», «Jar jaǵasy» atty novellalary berilgen. Atalǵan shyǵarmalardyń tili qunarly əri maǵynaly, bul avtordyń kórkemdik erekshe qoltańbasy. Kitap eldiń ótken tarıhyndaǵy sotsıalızm dáýirine degen avtorlyq kózqarasty tanytyp, oqyrmandardy ózderiniń ótkeni týraly oı tuńǵıyǵyna shomdyrady.
