Almatyda fýtzaldan Eýropa Chempıonatynyń negizgi irikteý týrnıri ótedi
ASTANA. QazAqparat - 2017 jyldyń 8-11 cáýiri aralyǵynda Almatyda fýtzaldan Eýropa Chempıonatynyń negizgi irikteý týrnıri ótedi, dep habarlady QazAqparatqa Qazaqstannyń fýtbol federatsııasynan.
Qazaqstan quramasy F tobynda Danııa, Chehııa jáne Makedonııa quramalarymen synǵa túsedi. Oıyndar «Almaty Arena» sport kesheninde ótedi. Ótken jyly Qazaqstan quramasy Eýropa Chempıonatynyń fınaldyq kezeńine shyǵyp, qola júldeger atanǵan bolatyn.
Іrikteý tobynyń jeńimpazdary 2018 jyly Slovenııada ótetin Eýropa Chempıonatyna tikeleı joldama alady. Sonymen qatar, ekinshi oryn alǵan jeti qurama men úshinshi oryn alǵan úzdik qurama Eýropa Chempıonatyna beriletin qalǵan tórt joldamaǵa talasady. Fınaldyq kezeńde barlyǵy 12 komanda oınaıdy.
Oıyn kestesi:
8 sáýir
15:30 Chehııa - Danııa
18:00 Qazaqstan - Makedonııa
9 sáýir
15:30 Makedonııa - Chehııa
18:00 Qazaqstan - Danııa
11 sáýir
17:00 Danııa - Makedonııa
19:30 Chehııa - Qazaqstan
