Almatyda fýtzaldan Álem birinshiliginiń irikteý matchy ótkiziledi
ALMATY. QazAqparat - 12 sáýirde Almaty qalasyndaǵy Balýan Sholaq atyndaǵy sport saraıynda Qazaqstan men Polsha quramalary arasynda Álem birinshiliginiń irikteý matchy ótkiziledi.
Polshanyń Şetsın qalasynda bolǵan birinshi oıynda komandalar 1:1 esebimen teń óner kórsetken bolatyn.
Endi, bıyl 14 qyrkúıek pen 2 qazan aralyǵynda Kolýmbııada ótetin Álem chempıonatynyń fınaldyq kezeńine ótý úshin otandastarymyz aldaǵy oıynda qalaıda jeńiske jetýi tıis.
«Ótken jyly Qazaqstan qurama komandasy Frantsııa (4:2), Chehııa (3:1) sekildi álemge tanymal myqty komandalardy jeńip, Slovenııamen (2:2) teń oınaǵan bolatyn. Sóıtip, Álem chempıonatynyń irikteý kezeńine joldama aldy», - delingen Qazaqstannyń fýtzal qaýymdastyǵynyń habarlamasynda.
Aıta ketelik, aldaǵy match 12 sáýir kúni keshki saǵat 19:30-da bastalady.
