Almatyda fýtgolftan alǵash ret halyqaralyq týrnır ótedi
ALMATY. QazAqparat - Almatydaǵy «ARIAL» golf-klýby aýmaǵynda mamyrdyń 18-i kúni fýtgolftan alǵashqy xalyqaralyq týrnır ótedi, dep habarlaıdy QazAqparat.
Sharany Qazaqstannyń jáne Reseıdiń fýtgolf federatsııasy.
Atalǵan jarys osy sport túrin damytý, jastar arasynda salaýatty ómir saltyn nasıhattaý men sport salasyndaǵy xalyqaralyq yntymaqtastyqty nyǵaıtýǵa baǵyttalǵan.
Aıta keteıik, sońǵy ýaqytta fýtgolf álem boıynsha keńinen tanyla tústi. Atalmysh sport túrinen eń alǵashqy týrnır 2009 jyly Nıderlandy memleketinde ótkizildi. Búginde bul álem boıynsha qarqyndy dasyp kele jatqan sport túri.
IFGA nemese Halyqaralyq fýtgolf Assotsıatsııasy 2009 jyly quryldy.
FIFG - Halyqaralyq fýtgolf federatsııasy 2012 jyly qurylyp, ol osy sort túriniń basqarýshy uıymy bolyp tanyldy.
Búginde 25 el FIFG múshesi. Germanııa, Shvetsııa, Danııada sertıfıkattalǵan fýtgolf alańdarynyń sany 70-ten asady.
«Jańa sport túrin budan ári de tanymal etý maqsatynda Qazaqstan men Reseı arasynda halyqaralyq týrnır uıymdastyrý usynyldy»,-delingen Qazaqstan fýtgolf federatsııasynyń baspasóz qyzmeti taratqan málimette.
Týrnırge Qazaqstan men Reseı Federatsııasynyń sportshylary qatysady.
Jarys STROKE PLAY (soqqy esebinen) formatynda ótedi. Týrnırdiń uıymdastyrýshylary jeńimpazdar men júldegerlerge arnaıy syılyqtar tigip otyr.
