Almatyda fýtboldan jasóspirimder arasyndaǵy halyqaralyq týrnır bastaldy
ALMATY. 6 qarasha. QazAqparat - Búgin Almatydaǵy «Qaırat» fýtbol klýbynyń stadıonynda «Kúzgi kanıkýl 2012»VI Halyqaralyq týrnıri bastaldy.
2000 jyly týǵan jasóspirimder arasyndaǵy bul baıraqty báseke «Qaırat» fýtbol klýbynyń áıgili aıaqdopshysy, KSRO sport sheberi Sergeı Kvochkındi eske túsirýge arnalǵan. Dástúrli túrde jyl saıyn ótetin bul dodaǵa kórshiles Ózbekstan, Qyrǵyzstan, Reseı elderiniń komandalary qatysýda.
Ótken jyly Sank-Peterbor qalasynyń «SDıÝShOR-Zenıt» komandasy jeńimpaz atanǵan bolatyn. Al Almaty qalasynyń «Lokomotıv», «Tsesna-99» komandalary 2-3 oryndy ıelense, odan keıingi oryndardy «Jastar» (Qaraǵandy), «OSDıÝShOR» (Shymkent), «Eńbek» (Almaty), «RSDıÝShOR» (Bishkek), «Montajnık» (Taraz) komandalary ózara bólisken edi. Sondaı-aq Alı ıAntıjanov - «úzdik qaqpashy» («TsESNA», Kırıll Kostıýchenko - «úzdik qorǵaýshy» («Lokomotıv»), Sultanbek Astanov - «úzdik jartylaı qorǵaýshy» («OSDıÝShOR» Shymkent), Nıkıta Glýshkov - «úzdik shabýylshy» («Zenıt»), Rýslan Kazakov - «úzdik mergen» («Zenıt»), al Rınat Shehmametev «týrnırdiń úzdik oıynshysy» («Zenıt») dep tanyldy.
