Almatyda fýtboldan jasóspirimder arasynda "Qysqy demalys-2012" týrnıri ótti

Dástúrli bul shara bıyl kórnekti memleket jáne qoǵam qaıratkeri Dinmuhamed Ahmtuly Qonaevtyń 100 jyldyǵyna arnaldy. Básekege  2001 jyly týǵan jasóspirimderdiń  6 komandasy qatysqan bolatyn. Aqtyq synda "Tsesna-2001" men "Jeńis" (11:0), "SDıÝShOR-2" pen MFK "Kaırat"(1:7), "Eńbek" pen "SDıÝShOR-2" (2:0) kezdesti. Qarsylastar qaqpasyn 31 ret dál kózdep, ózderine 5 dop jiberip alǵan Dmıtrıı Sheremet jattyqtyratyn "Tsesna-2001" aıaqdopshylary 13 upaımen týrnırdiń jeńimpazy atandy.  Birdeı upaı jınaǵanmen ózgelerge 22 dop engizip, ózderine 3 dop kirgizip alǵan "MFK Qaırat" ekinshi oryn aldy. Qarsylastarǵa 13 dop soǵyp, óz qaqpalaryna 12 dop jibergen "Eńbek" 9 upaımen úzdik úshtikti túıindedi. Al "Jeńis", "Qaırat", "SDıÝShOR-2" komandalary 4-6 oryndardy ózara bólisti.  Jarys qorytyndysy boıynsha "Tsesna - 2001" komandasynan  Aıbol Bashenov úzdik mergen, Mırat Kabzakı úzdik oıynshy, "Eńbek" komandasynan Rahman Asmatýllaev úzdik qorǵaýshy, "MFK "Qaırat" komandasynan ıÝrıı Kım úzdik qaqpashy, al Evgenıı Kım úzdik shabýylshy atalymdary boıynsha jeńimpaz dep tanyldy.