Almatyda fýtboldan QR Prezıdenti kýbogy úshin halyqaralyq týrnır ótip jatyr
ALMATY. 28 sáýir. QazAqparat - Búgin Almatyda fýtboldan 1996 jyly týǵan bozbalalar arasynda QR Prezeıdenti kýbogy úshin 5-halyqaralyq týrnır bastaldy.
Onda Qazaqstan, Vengrııa, Túrikmenstan, Armenııa fýtbolshylary «A» tobynda, al Túrkııa, Ázirbaıjan, Iran, Grýzııa komandalary «B» tobyna óner kórsetýde.
Túrkııa men Iran aıaqdopshylary arasyndaǵy oıynmen bastalǵan bul báseke 2:3 esebimen aıaqtaldy. Odan keıin ázirbaıjandar grýzınderdi 1:0 esebimen utsa, majarlar armıandardy 5:0 etip oısyrata jeńdi. Jarystyń alǵashqy oıyn kúni endi Qazaqstan men Túrikmenstan quramalarynyń oıynymen aıaqtalmaq.
Erteń Iran men Grýzııa, Túrkııa men Ázirbaıjan, Armenııa men Túrikmenstan, Qazaqstan men Vengrııa komandalary ózara kúsh synasady. Arǵy kúni olar bir kún tynyǵyp, 1mamyrda toptyq synnyń aqtyq oıyndaryn ótkizedi. Sodan keıin 2 mamyrda fınaldyq oıyndar bolady.
