Almatyda fýtboldan aýla komandalary arasyndaǵy lıganyń maýsymy aıaqtaldy
ALMATY. QazAqparat - «Sporttyq Almaty» baǵdarlamasy aıasynda aýla komandalary arasyndaǵy fýtbol lıgasynyń bıylǵy maýsymynyń sońǵy oıyndary ótti, dep habarlaıdy aqparattyq jáne sporttyq HAB.
Sońǵy oıyndarǵa tek bıylǵy maýsymda júldeger atanǵan 35 komanda qatysyp, 2018 jyldyń chempıony ataný úshin olar bar kúshterin saldy. Oıyndar olımpıada júıesi boıynsha Football land stadıonynda ótti.
Bul týrdyń nátıjesinde 15-ten asqandardyń arasynda jeńiske «Jıdeli» komandasy jetti. Ekinshi jáne úshinshi oryndarǵa «Ýeska» men «Chelsı» jaıǵasty.
Al, 8-14 jas aralyǵyndaǵy oıynshylardan quralǵan «Orda», «Bókeıhanov» jáne «Dınamo» klýbtary «A» lıgasynyń júldegerleri atandy.
«Biz aýla lıgasyna bıyl birneshe ret qatysyp, júldeger atandyq. Mine búgin myqty oıynshylardy utyp, chempıon atandyq. Qýanyshtymyz. Osyndaı jarys úshin uıymdastyrýshylarǵa úlken alǵys aıtamyz», - dedi «Jıdeli» oıynshysy Rýslan Jumabek.
Jeńimpazdar men júldegerler dıplom, medal, syılyqtarmen marapattaldy. Sondaı-aq, úzdik oıynshylarǵa Qaırat fýtbol komandasynyń syılyqtary tabystaldy.
Sondaı-aq, júldegerlerdi quttyqtaý úshin jarysqa arnaıy «Qaırat» fýtzal klýbynyń oıynshylary Dáýren Tursaǵulov pen Birjan Orazov jáne «Qaırat» fýtbol klýbynyń ardageri Vıktor Katkov keldi. Olar barlyǵyn quttyqtap, sáttilik tiledi.
