Almatyda fýtbol jankúıerleri jappaı tóbeles shyǵardy
ALMATY. QazAqparat – «Qaırat» jáne «Aqtóbe» fýtbol klýbtarynyń jankúıerleri matchtan keıin Almatynyń dál ortasynda jappaı tóbeles shyǵardy, dep habarlaıdy QazAqparat tilshisi.
Tóbelestiń vıdeosy batysqazaqstandyq klýbtyń Instagram jelisindegi paraqshasynda jarııalandy.
Oqıǵa 5 qazan kúni 6:0 esebimen almatylyqtardyń jeńisimen aıaqtalǵan oıynnan keıin bolǵan.
Qalanyń polıtsııa departamenti atalmysh oqıǵaǵa qatysty pikir bildirdi.
«Fýtbol matchyndaǵy qoǵamdyq tártipti qadaǵalaýǵa jaýapty bolǵan polıtsııa qyzmetkerleri Baıtursynov kóshesinde jas jigitterdiń arasynda bolǵan tóbeleske jyldam aralasyp ketti. Tártip saqshylarynyń kele jatqanyn kórgen jigitter birden tarap ketti. Dene jaraqaty týraly shaǵymmen polıtsııaǵa eshkim kelgen joq», - dep málim etti polıtsııada.
Aıta ketý kerek, almatylyq «Qaırat» fýtbol klýby Qazaqstannyń Premer-lıgasynyń 29-shy kezeńinde «Aqtóbe» komandasyn tas-talqan etken edi.
