Almatyda fýtbol jankúıerleri tóbeles shyǵardy

ALMATY. QazAqparat – «Qaırat» jáne «Kaspıı» fýtbol klýbtarynyń jankúıerleri matchtan keıin Almatyda jappaı tóbeles shyǵardy, dep habarlaıdy QazAqparat tilshisi.

Áleýmettik jelide arnaıy jasaq jaýyngerleriniń birneshe jankúıerdi ustap alyp bara jatqan vıdeo tarady.

Almaty qalalyq Polıtsııa departamentiniń málimetinshe, ortalyq stadıonda fýtbol oıyny kezinde tártipti qamtamasyz etý maqsatynda qyzmet atqarǵan polıtseıler, adam kóp jınalatyn oryndarda paıdalanýǵa tyıym salynǵan faıerlerdi jaǵý derekteriniń jolyn kesken.

«Qoǵamdyq tártipti odan ári buzýdyń aldyn alý maqsatynda jankúıerlermen quqyqtyq túsindirme áńgime júrgizildi»,- dep habarlady vedomstvodan.

Aıta ketý kerek, almatylyq «Qaırat» fýtbol klýby Qazaqstannyń Premer-lıgasynyń 3-shi kezeńinde «Kaspıı» komandasyn 3:1 esebimen jeńdi.