Almatyda «Fýdmaster» kompanııasynyń 3 kúndik ónimi órtenip ketti
ALMATY. QazAqparat - Almatyda Qaırat shaǵyn aýdanynda bolǵan alapat órtte «Fýdmaster» kompanııasynyń 3 kúndik ónimi órtenip ketti, dep habarlaıdy QazAqparat tilshisi.
Sút óndirý kompanııasy ókili Aıda Saparǵazınovanyń aıtýynsha, tilsiz jaý qaladaǵy núktelerge jetkizilýi tıis 3 kúndik ónimdi zym-zııa etti.
«Sút ónimderi túgel janyp ketti desek bolady. Qazir shyǵyn kólemin eseptep jatyrmyz. Úsh kún shamasynda taýarlarymyzdyń jetkizý kestesi buzylady. Biraq, kompanııa basqa zaýyttarǵa júktemeni ulǵaıtpaq. Osy arqyly kompanııa dúken sórelerine jetkiziletin ónimdi qamtamasyz etpek», -dedi «FýdMaster» AQ basqarma tóraıymy Aıda Saparǵazınova.
Sonymen qatar, kompanııa ókilderi tótenshe jaǵdaıdyń tutynýshylarǵa áseri bolmaıy dep sendirdi.
Qoıma kesheniniń dırektory Oleg Charlınniń aıtýynsha, qoımalardyń birinde dánekerleý jumystary júrgen. Aldyn ala aqparat boıynsha órt 7-qoımadan bastalǵan.
«Sol jerde óndiris orny bolǵan. Túngi ýaqytta dánekerleý jumystary júrgizildi me joq pa sony anyqtap jatyrmyz. Munda órt dabyly, órt sóndirý júıesi jumys jasaıdy. Kásipkerlerdiń qaýipsizdigi úshin barlyq sharalar qabyldanǵan», - dedi qoıma kesheniniń dırektory.
Eske sala ketsek, tótenshe jaǵdaı búgin tańǵa jýyq bolǵan.
Órtten eshkim zardap shekpedi.
