Almatyda frıstaıldan ótetin Álem kýbogynyń fınalyna álemniń 14 elinen sportshylar qatysady

Uıymdastyrýshylar jarys aldynda daıyndyqtyń qalaı ótkeni jáne qazaqstandyq sportshylardan qandaı nátıje kútetini týraly aıtyp berdi, dep habarlaıdy QazAqparat tilshisi.

Baspasóz máslıhaty barysynda «Shymbulaq» taý kýrortynyń bas dırektory Rınat Abdrahmanov sportshylar úshin bıyl tosynsyı daıyndalǵanyn, atap aıtqanda, mogýlǵa arnalǵan jańa joldyń salynǵanyn aıtyp berdi.

«Bul trassa qurǵaq saıda salyndy. Bizdiń FIS-tegi áriptesterimiz joldy tolyq tekserip, ony halyqaralyq standarttar boıynsha sáıkestik sertıfıkatymen rastady. Biz joldy ózgerttik, sebebi, jaıaý týrısterge mundaǵy dúnıelerdiń barlyǵynyń qoljetimdi bolǵany mańyzdy. ıAǵnı, bul rette qazirdiń ózinde daıyn ınfraqurylym bar, ol jerden jaıaý týrıster jarysty tamashalaı alady. Shańǵy akrobatıkasyn aıtar bolsaq, onyń orny ózgergen joq. Sol jerden kórermender fınaldyq oıyndardy tamashalaı alady», - dedi spıker.

Ol Álem kýbogynyń kezeńderine daıyndyq jumystary jazda bastalǵanyn aıtty.

«Mogýldyń jańa trassasy úshin qarly joldy biz eki shaqyrymǵa jýyq qashyqtyqqa uzarttyq. Jańa joldy daıyndaý úshin qosymsha qar generatorlary men arnaıy ratrak satyp alyndy. Jalpy, bizde sporttyń osy túri boıynsha balalar men jasóspirimder baǵytyn damytý josparymyz bar. Baıqasańyzdar, «Professor» jolynyń janynda bizdiń frıstaıldan mektebimiz ashylǵan. Bıyldan bastap halyqaralyq jarystar úshin salynǵan barlyq ınfraqurylymdy jas sportshylarymyz paıdalansyn degen oımen balalardy jınaı bastadyq. «Shymbulaq» kýrortynda sporttyń bul túrin damytýǵa bolady», - dedi Rınat Abdrahmanov.

Onyń aıtýynsha, Álem kýbogynyń fınalynda úsh tártip boıynsha hrýstal globýstar oınatylady. Sondaı-aq, jarysqa 14 elden 80 sportshy keldi.

Ulttyq shańǵy qaýymdastyǵynyń Bas hatshysy Asqar Valıev bul jarystar FIS kúntizbesine ótken jyly engizilgenin aıtty.

«Jarystar naýryz aıyna belgilendi. «Shymbulaqtyń» bıiktigi naýryz aıynyń sońyna deıin shańǵy jarystaryn ótkizýge múmkindik beredi. Bıyl Eýropada qardyń jetkiliksiz bolýynan ol jaqta oıyn kezeńderi ótpedi. Munda «Shymbulaqtyń» ornalasýy, onyń bıiktigi, sýdyń qoljetimdiligi, basqa da sebepterge baılanysty bári oıdaǵydaı jaqsy júrip jatyr», - dedi ol.

Asqar Valıev jańa jolda keshe mogýl boıynsha alǵashqy resmı jattyǵý ótkenin aıtty.

Onyń aıtýynsha, jańa jol mogýlshy ıÝlııa Galyshevanyń qurmetine Yuka G dep ataldy.

«Biz jattyqtyrýshylardyń pikiri men baǵasyn tyńdaý úshin keshke olardyń bárin jınadyq. Barlyǵy rıza. Bul jer keremet. Meniń oıymsha, bul álemdegi eń keremet mogýl joly bolýy múmkin. FIS-pen jumys istegen kezde, biz Álem kýbogynyń eń jaqsy uıymdastyrýshysy bolýǵa tyrysamyz jáne bul maqsatqa óte jaqynbyz. Qazirdiń ózinde kóptegen ólshem boıynsha biz buǵan jaqyndadyq», - dedi ol.

Spıker bul jolǵy jarysta 80 úzdik sportshy hrýstal globýstar men upaı jınaý úshin talasatynyn atap ótti. Olardyń arasynda qazaqstandyqtar da bar.

«Qazaqstandyq sportshylardyń múmkindigi kóp. Biz medal alý úshin kúresemiz. Frıstaıl áleminde Qazaqstan mogýl jáne shańǵy akrobatıkasy tártibinde óte kúshti pozıtsııaǵa ıe. Mogýl boıynsha Kanada, AQSh, Japonııa, Shveıtsarııa, Frantsııa kósh bastaǵan elder. Qazaqstan olarmen medal úshin básekege túse alady, ony biz Grýzııada ótken álem chempıonatynda baıqadyq. Jarysqa bizdiń elden jeti sportshy qatysady. Olar mogýlda Pavel Kolmakov, Anton Bondarev jáne Aıaýlym Amrenova, akrobatıkada Janbota Aldabergenova, Aıana Joldas, Roman Ivanov jáne Sherzod Hashırbaev. Bizde jaqsy sekire alatyn jáne jolda jaqsy júretin jastar ósip keledi. Sondyqtan Qazaqstanda frıstaıl damý ústinde dep aıta alamyz, sebebi, biz jarysty «Shymbulaqta» ótkizemiz», - dedi ol.

Eske salaıyq, buǵan deıin frıstaıldan Álem kýbogynyń fınaldyq kezeńi «Shymbulaqta» ótetinin jazǵanbyz.