Almatyda frıstaıldan Álem kýbogy kezeńderine volonterler tartylady

ALMATY. QazAqparat – Almatyda 28 aqpanda bastalatyn frıstaıldan Álem kýbogy kezeńderine eń belsendi volonterler tartylatyn bolady. Bul týraly búgin «Suńqar» shańǵy tramplıninde ótken baspasóz máslıhay barysynda QR Shańǵy sporty qaýymdastyǵynyń bas hatshysy Asqar Ýálıev aıtty, dep habarlaıdy QazAqparat tilshisi.

28 aqpanda - Mountain Ski Resort Oi-Qaragai Lesnaya Skazka kýrortynda frıstaıldyń shańǵy akrobatıkasy túri boıynsha, al 1 naýryzda «Shymbulaq» taý kýrortynda mogýldan saıystar bastalady.

«Bıyl Qazaqstanda Volonterler jyly dep jarııalandy. Bizde Almatydaǵy 9-10 joǵary oqý oryndarynan volonterler jınalady. Osy jastardyń jartysy byltyr Shymbulaqta ótken frıstaıl-mogýldan saıysta volonter bolǵan. Jastardyń barlyǵy testileýden ótti. Biz eń belsendi degen 70 entýzıasty tańdap aldyq. Olardyń barlyǵy qajetti málimettermen qamtamasyz etildi. Nysandarmen tolyq tanysty. Qazir qonaqúılerde, kezdesýlerde belsendi jumys jasap jatyr», - dedi Asqar Ýálıev.

Budan buryn qaýymdastyq ókili koronvırýstyń taralýyna baılanysty sportshylardy shaqyrýda qandaı talap qoıylǵanyn aıtqan edi.