Almatyda Frankofonı kúnderi ótip jatyr
ALMATY. Naýryzdyń 19-y. QazAqparat /Názıra Eleýhan/ - Almatyda Qazaqstandaǵy Frantsııa elshiligi men Frantsýz Alıansy jáne frantsýz tiliniń oqytýshylary men ustazdary Respýblıkalyq qaýymdastyǵynyń birigip uıymdastyrýymen naýryzdyń 12-nen 20-na deıin Frankofonı kúnderi ótýde,
dep habarlaıdy QazAqparat.
Frankofonı kúnderi aıasynda jastar rýhyn damytý, jas óskinniń shyǵarmashylyq talpynysyn qalyptastyrý, talantty jastardy qoldaý men olardyń mádenı jáne bilim deńgeıin arttyrý maqsatynda ár túrli baıqaýlar men vıktorınalar, stýdentter arasynda olımpıadalar uıymdastyryldy. Apta boıy frantsýz tilin úıretetin, balalar men úlkenderge arnalǵan tanymdyq sharalar, sýret kórmeleri, frantsýz tilinde kórkem sóz oqýshylar baıqaýy ótýde. Uıymdastyrýshylardyń aıtýynsha, bul sharaǵa qazaqstandyq jastar qyzyǵýshylyqtaryn tanytýda.
Frankofonı qoǵamdastyǵy bes kontınentte 50-den asa elderdi biriktiredi. Frantsýz tili búkil álemde kóp taralǵan tilderdiń biri.
Frankofonı kúni- bul frantsýz tilinde sóıleıtin elderdiń meıramy. Uıymnyń negizgi maqsaty - frantsýz tilin súıýshilerdiń basyn biriktirý, frantsýz jáne frankotildes elderdiń mádenıetin taratý jáne tanymal bolýyna járdem berý. Bul mereke kúnderi ǵylymı konferentsııalar, fılologııalyq semınarlar, kontsertter, tanystyrylymdar, pikirsaıystar jáne taǵy da basqa sharalar ótedi.
