Almatyda «Forsaj» uıymdastyrǵandar buzaqylyq jasaǵany úshin de aıyptalyp otyr - qalalyq ІІD
ALMATY. QazAqparat - Almatyda «Forsaj» uıymdastyrǵandar buzaqylyq jasaǵany úshin de aıyptalyp otyr. Bul týraly qalalyq ІІD baspasóz qyzmeti habarlady.
Polıtsııa «Lexus IS» tizgindegen 26 jastaǵy Qurbanov Tamaz ben «Mıtsýbısı Lanser» tizgindegen 23 jastaǵy Mamedov Afgannyń áreketinen buzaqylyq belgileriniń kórinis bergenin alǵa tartyp, QR ÁQbK 434 baby boıynsha da hattama toltyrdy. Óndiristik is Medeý aýdandyq ІІB qaraýyna jiberildi. Aıta ketý kerek, Almatyda birneshe kólik ál-Farabı kóshesiniń boıynda tutas joldy bitep, «forsaj» uıymdastyrǵan bolatyn. Keıin belgili bolǵandaı, olar toı kortejiniń qatysýshylary bolyp shyqty. Jol boıyndaǵy «drıft-shoý» beınekameraǵa túsip qalǵan. Qalalyq polıtsııa kólik qozǵalysyna kedergi keltirgen azamattardy ákimshilik jaýapkershilikke tartty.Naqtyraq aıtqanda, 26 jastaǵy Qurbanov Tamaz ben 23 jastaǵy Mamedov Afgan ákimshilik kodekstiń 7-baby boıynsha aıypqa tartyldy. «Lexus IS» tizgindegen 26 jastaǵy Qurbanov Tamaz QR ÁQbK 606-babynyń 1-tarmaǵy (apatty jaǵdaı týdyra otyryp jol erejesin buzý), 614-baby (kólikterge kedergi keltirý), 590 -babynyń 1-tarmaǵy (anyq kórinbeıtin memlekettik tirkeý nómirimen jolǵa shyǵý) boıynsha jaýap beretin bolady. Al «Mıtsýbısı Lanser» tizgindegen 23 jastaǵy Mamedov Afganǵa qatysty ákimshilik polıtsııa basqarmasymen 4-bap boıynsha: QR ÁQbK 606 babynyń 1-tarmaǵy (apatty jaǵdaı týdyra otyryp jol erejesin buzý), 614 -baby (kólikterge kedergi keltirý), 590-babynyń 1-tarmaǵy (anyq kórinbeıtin memlekettik tirkeý nómirimen jolǵa shyǵý), 601-babynyń 1-tarmaǵy (jol belgilerine nazar aýdarmaý) boıynsha ákimshilik hattama toltyryldy .Sondaı-aq, ashyq joldy ádeıi bitep, qasaqana jyldamdyqty azaıtqan toı kortejiniń taǵy úsh kólik júrgizýshisine qatysty QR ÁQbK 614 -baby (kólikterge kedergi keltirý) hattama toltyryldy.
