Almatyda fıtnes trenerdi atyp óltirip ketti
ALMATY. QazAqparat - Naýryzbaı aýdandyq polıtsııasynda fıtnes trenerdi óltirý faktisi tergelip jatyr, dep habarlaıdy QazAqparat polıtsııaǵa silteme jasap.
Bul aqparat áýeli áleýmettik jelide tarady.
«19 shildege qaraǵan túni «Fitness Blitz» klýbynyń fıtnes jattyqtyrýshysy Damır Tórebaevty óz páterinde atyp ketken» delingen Telegram kanalda taraǵan jazbada.
Qylmystyq is QR QK-niń 99-baby 1-bóligimen tirkelgen.
«Qylmysty ashý maqsatynda tergeý jedel toby quryldy. Kúdiktiler anyqtalyp, olardy ustaý sharalary júrgizilip jatyr» dep málimdedi polıtsııa.
Aldyn ala málimet boıynsha, T. esimdi azamat pen onyń tanysynyń arasynda janjal bolǵan.
