Almatyda fırmaǵa shabýyl jasaǵan kúdiktilerdiń biri qolǵa tústi
ASTANA. 24 shilde. QazAqparat - Almaty qalasynda krımınaldy polıtsııa qyzmetkerleri bir aı buryn jeke fırmaǵa qaraqshylyq shabýyl jasady degen kúdikpen Almatynyń 27 jastaǵy turǵynyn ustady.
Bul týraly búgin Astanadaǵy dástúrli brıfıngte QR ІІM Memlekettik til jáne aqparat departamenti dırektorynyń orynbasary Aıjan Esimbekova aıtty.
«Beıtanys tórt adam tapanshamen fırmanyń 22 jastaǵy qyzmetkerin qorqytý arqyly ony avtokólikke otyrǵyzyp, skotchpen baılaıdy da odan kireberis esiktiń kiltin alyp, JShS-nyń ǵımaratyna kiredi. Qaskúnemderdiń 150 myń AQSh dollarynan astam aqshany ıelengendigi belgili boldy»,-dedi A. Esimbekova.
Atalǵan oqıǵaǵa qatysty qylmystyq is qozǵaldy. Ustalǵan adam qamaýǵa alynyp, buryn onyń osyǵan uqsas ózge de qylmystarǵa qatystylyǵy tekserilýde jáne basqa da qatysýshylar izdestirilýde.
