Almatyda fılologııa ǵylymdarynyń ózekti máseleleri talqylanady
ALMATY. 7 qarasha. QazAqparat - Almatyda 8 qarashada «Táýelsiz Qazaqstan Respýblıkasy fılologııa ǵylymdarynyń ózekti máseleleri» degen taqyrypta respýblıkalyq ǵylymı-tájirıbelik konferentsııa ótedi.
Abaı atyndaǵy Qazaq ulttyq pedagogıkalyq ýnıversıtetinde ótetin bul sharaǵa elimizdiń belgili fılolog-ǵalymdary qatysady. Ol fılologııa ǵylymdarynyń doktory, Pedagogıkalyq bilim berý halyqaralyq ǵylym akademııasynyń akademıgi, professor Baltabaı Ábdiǵazıulynyń 60 jasqa tolýyna arnalyp otyr.
Baltabaı Ábdiǵazıuly uzaq jyl «Jas Alash», «Egemen Qazaqstan» gazetterinde qyzmet istep, óziniń tamasha ocherkterimen, pýblıtsıstıkalyq maqalalarymen tanyldy. Qarymdy qalamger keıin ǵylym jolyna túsip, kóp jylǵy zertteýleriniń arqasynda Shákárim Qudaıberdiulynyń shyǵarmashylyǵyn jan-jaqty jáne tereń zerttep «Shákárim álemi» monografııasyn shyǵardy. Bul eńbek Shákárimtanýdaǵy eń alǵashqy kólemdi jáne parasatty eńbek boldy. Osy arqyly B.Ábdiǵazıuly Shákárimdi zertteýshilerge jol ashyp, baǵyt-baǵdar berdi. Ádebıetshi ǵalymnyń bul eńbegi búkil qazaq fılologııa ǵylymyna qosylǵan eleýli úles boldy.
