Almatyda fılm túsirilimine baılanysty birqatar kóshe jabylady
ALMATY. Almatyda túsirilim jumystaryna baılanysty birneshe kóshe ýaqytsha jabylady, dep habarlaıdy QazAqparat.
Almaty ákimdigi tartaqan málimetke sáıkes, megapolıste myna kósheler jabylady:
- 15 qańtar kúni saǵat 10:00-den 14:00-ge deıin – Jibek joly kóshesi, Buzyrbaev kóshesinen Gorkıı atyndaǵy saıabaqqa deıin jabylady;
- 16 qańtarda saǵat 19:00-den 02:00-ge deıin – Tımırıazev kóshesi Jandosov kóshesinen Rozybakıev kóshesine deıin;
- 18 qańtarda saǵat 01:00-den 06.00-ge deıin – Bógenbaı batyr kóshesi Dostyq kóshesinen Ýálıhanov kóshesine deıin;
- 18 qańtar jáne 19 qańtar saǵat 03:00-den 07.00-ge deıin – Qurmanǵazy kóshesi Nazarbaev dańǵylynan Tólebaev kóshesine deıin jabyq bolady.
«Túsirilim barysynda tútin, pırotehnıkalyq quraldar qoldanylady, sondaı-aq qatty ári shuǵyl dybysty kórinister bolady. Keıde túsirilim adam kóp jınalatyn orynda da bolady»,- dep habarlady ákimdikten.
Sondaı-aq Almaty qalalyq mobıldilik basqarmasy 2023 jyly 15 qańtardan 19 qańtarǵa deıin keıbir qoǵamdyq kólikterdiń qozǵalys syzbasyna ýaqytsha ózgerister engiziletin málim etti.
16 qańtar saǵat 19:00-den 17 qańtar saǵat 02:00-ge deıin:
- №124, №45, №79 ońtústik baǵytta Altynsarın dańǵyly - Shalıapın - Sátpaev - Áýezov - Tımırıazev kósheleri - budan ári shema boıynsha, keri baǵytta Tımırıazev – Jarokov - Sátpaev – Shalıapın - Altynsarın dańǵyly, budan ári syzbasy boıynsha;
- №22 shyǵys baǵytta Jandosov kóshesi - Áýezov kóshesi - budan ári shema boıynsha, keri baǵytta Áýezov kóshesi - Jandosov kóshesi budan ári shema boıynsha;
- №32, №205 soltústik baǵytta Súleımenov kóshesi - Altynsarın - Sátpaev - Áýezov - Tımırıazev kósheleri budan ári shema boıynsha, keri baǵytta Tımırıazev - Áýezov - Sátpaev - Altynsarın - Súleımenov kósheleri budan ári shema boıynsha;
- TP11 shyǵys baǵytta Jandosov kóshesi – Áýezov - Abaı dańǵyly budan ári shema boıynsha, keri baǵytta Abaı dańǵyly - Áýezov - Jandosov kóshesi budan ári shema boıynsha;
- №31 ońtústik baǵytta – Saın kóshesi - Ál-Farabı - Jarokov kóshesi budan ári shema boıynsha, keri baǵytta Jarokov kóshesi - Ál-Farabı – Saın kóshesi budan ári shema boıynsha;
- №135 – shyǵys baǵytta Jandosov kóshesi - Rozybakıev kóshesi budan ári shema boıynsha, keri baǵytta Rozybakıev kóshesi - Jandosov kóshesi budan ári shema boıynsha;
18 qańtarda saǵat 03:00-den 07:00-ge deıin:
- №112 – shyǵys baǵytta Qurmanǵazy kóshesi - Abylaı han - Abaı – Dostyq - Qonaev kóshesi budan ári shema boıynsha; keri baǵytta ózgerissiz;
- №12 - ońtústik baǵytta Abylaı han dańǵyly - Abaı - Dostyq dańǵyly budan ári shema boıynsha, keri baǵytta – ózgerissiz.
