Almatyda Fight Nights Global 86 týrnırine qatysatyndar kóz túıistirdi
ASTANA. QazAqparat - Almatyda M. Gorkıı atyndaǵy ortalyq saıabaqta aralas jekpe-jekten Fight Nights Global 86 halyqaralyq týrnıriniń qatysýshylary salmaq ólsheý rásiminen ótti, dep habarlaıdy QazAqparat qalalyq sporttyq HAB-qa silteme jasap.
Eń birinshi bolyp grepplıngten ADCC erejesine sáıkes kezdesý ótkizetin sportshylar shyǵyp kóz túıistirdi. Olar ıÝsýp Saadýlaev (Reseı) - Habıbýla Mansur (Qazaqstan) - 65.9 kg, Nartaı Qajekov (Qazaqstan) - Rasýl Tezıkbaev (Qyrǵyzstan) - 65.9 kg, Bekır Barıev (Qazaqstan) - Arsen Shapıev (Reseı) - 98.9 kg jáne Erjan Estanov (Qazaqstan) - Rasýl Mırzaev (Reseı) - 65.9 kg. Artynsha halyq asyǵa kútken MMA sarbazdary da salmaq ólsheý rásimderin bastap ketti.
Nıkıta Baltabaev (Qazaqstan) - Juman Jumanbekov (Qazaqstan) - 61.2 kg, Nıkıta Mıhaılov (Reseı) - Sábıt Júsipov (Qazaqstan) - 61.2 kg, Muratbek Qasymbaı (Qazaqstan) - Renat Ondar (Reseı) - 65.8 kg, Artýr Magomedov (Reseı) - Rýslan Seripqulov (Qazaqstan) - 65.8 kg, Nıkolaı Tsygankov (Reseı) - Jasulan Ákimjanov (Qazaqstan) - 65.8 kg, Narıman Abbasov (Ázerbaıjan) - Ádil Boranbaev (Qazaqstan) - 70.3 kg, Georgıı Lobjanıdze (Grýzııa) - Dáýren Ermekov (Qazaqstan) - 83.9 kg jáne de osy keshtiń basty keıipkerleri Jalǵas Jumaǵulov (Qazaqstan) pen Taıson Nem (AQSh) - 56.7 kg.
«Men ózim tek jeńiske jetemin dep oılaımyn. Meniń qarsylasym óziniń myqty ekendigin dáleldedi, biraq men de osal emespin. Tek sońyna deıin aıqasatyn bolamyn», - deıdi Jalǵas Jumaǵulov.
Eske sala ketsek, búgin Almaty Arena sport kesheninde aralas jekpe-jekten Fight Nights Global 86 týrnıri ótedi. Ol keshke saǵat 17:00-de bastalady. Bul keshte jalpy sany 12 aıqas ótkiziledi.
