Almatyda FIFA-nyń Álem kýbogynyń Qazaqstanǵa ákelinýine qansha ýaqyt qalǵanyn kórsetetin keri esepteý tablosy iske qosyldy
/strong>Sáýirdiń 2-si. QazAqparat /Erlik Erjanuly/ - Búgin Almatyda Ortalyq stadıon mańynda Fýtbol qaýymdastyqtarynyń halyqaralyq federatsııasynyń (FIFA) Álem kýbogynyń Qazaqstana ákelinýine qansha ýaqyt qalǵanyn kórsetetin keri esepteý tablosy iske qosyldy,
dep habarlaıdy QazAqparat.
«Búgin Qazaqstan fýtbolynda úlken oqıǵa bolyp jatyr. Elimizge Álem kýbogy ákelinbek. Barlyq aıaq dop jankúıerlerin osy mańyzdy oqıǵamen quttyqtaǵym keledi», dedi Qazaqstan Fýtbol federatsııasynyń vıtse-prezıdenti Seıilda Baıshaqov. Al qalalyq týrızım, sport jáne dene shynyqtyrý basqarmasy tóraǵasynyń orynbasary Dáýke Jumataevtyń aıtýynsha, bul Qazaqstannyń fýtbolǵa degen kózqarasyn jáne jankúıerleriniń ystyq yqylasyn bildiredi.
«Álem kýbogy sáýirdiń 16-sy kúni keshke arnaıy charterlik reıspen Almatyǵa ákelinedi. Ony qala ákimdiginiń jaýapty qyzmetkerleri men BAQ ókilderi qarsy alady. Al 17-si kúni ol Astanaǵa jol tartady dep josparlanyp otyr. Bul shara kezinde qala turǵyndary men qonaqtary Halyqaralyq fýtbol qaýymdastyqtary federeratsııasynyń Álem kýbogyn kózimen kórip, sýretke túsý múmkindigine ıe bolady», deıdi Álem kýbogynyń dúnıejúzi boıynsha saltanatty sherýin uıymdastyrýshy Koka-Kola kompanııasynyń resmı ókili Arystanbek Nurmahanov.
