Almatyda Farıza Ońǵarysynovanyń «Óleń, men seni aıalap ótem...» atty jyr keshi ótedi
ALMATY. Qańtardyń 23-i. QazAqparat /Erbol Azanbek/ - Búgin Almatydaǵy Abaı atyndaǵy Memlekettik Opera jáne balet teatrynda qazaqtyń kórnekti aqyn qyzy Farıza Ońǵarysynovanyń 70 jyldyq mereıtoıyna arnalǵan «Óleń, men seni aıalap ótem...» atty jyr keshi ótedi,
dep habarlaıdy QazAqparat.
Mereıtoılyq keshti QR Mádenıet jáne aqparat mınıstrligi Almaty qalasynyń ákimdigimen jáne Qazaqstannyń Jýrnalıster odaǵymen birlesip uıymdastyrady. Keshke QR Mádenıet jáne aqparat mınıstri Muhtar Qul-Muhammed, Almaty ákimi Ahmetjan Esimov keledi dep kútilýde. Sondaı-aq belgili qoǵam qaıratkerleri, aqyn-jazýshylar, zııaly qaýym ókilderi qatysady.
Farıza Ońǵarysynova elimizdegi eń tanymal, kóp oqylatyn aqyndar qatarynda. Onyń shyǵarmalary tek ádebıet salasynda ǵana qoldanylmaıdy. Búgingi kesh barysynda Gazız Esimov, Nurǵalı Núsipjanov, Maqpal Júnisova, Elena Ábdihalyqova, Jubanysh Jeksenuly, Tabyldy Dosymov, Gúlmıra Aqúrpekova syndy óner juldyzdarynyń Farıza shyǵarmalarynan ánder oryndaýy sonyń kýási bolmaq.
