Almatyda EYDU-nyń Eýrazııa aptalyǵy ótedi

ASTANA. QazAqparat - Búgin Aqordada QR Memlekettik hatshysy Gúlshara Ábdiqalyqova Ekonomıkalyq yntymaqtastyq jáne damý uıymynyń (EYDU) bas hatshysy Anhel Gýrrıamen kezdesti, dep habarlaıdy QazAqparat.

«Elbasymyz Nursultan Nazarbaev álemniń damyǵan 30 eliniń, sonymen qatar EYDU-nyń quramyna kirý syndy aýqymdy mindet júktep otyr.  Sondyqtan da qazirgi ýaqytta biz EYDU-nyń kórsetkishterine qol jetkizýge umtylýdamyz. EYDU-nyń usynymdaryn júzege asyrý úshin arnaıy jol kartasy ázirlengen. Qazirgi ýaqytta  EYDU-nyń 32 jumys uıymymen jumys istep jatyrmyz. EYDU-nyń 10 quqyqtyq quralyna qosylyp, búginde 10 quqyqtyq quraldy ázirleý baǵytynda jumystar júrgizýdemiz», - dedi kezdesý barysynda Gúlshara Ábdiqalyqova.
 

Memlekettik hatshy aǵymdaǵy jyldan bastap Qazaqstandy úshinshi jańǵyrtý bastalǵanyn, ol birinshi kezekte ekonomıkany damytýdy kózdeıtindigin atap ótti.

«Biz ekonomıkany damytýdy jańa tehnologııalardy paıdalaný, tehnologııalyq progresterdi damytý turǵysynan qarastyramyz. Búgingi kúni jekeshelendirý baǵytynda aýqymdy jumystar júrgizilý ústinde. Bizdiń maqsatymyz  - memlekettiń ekonomıkaǵa qatysýyn  15 paıyzǵa deıin tómendetý», - dedi ol.

Sonymen qatar Gúlshara Ábdiqalyqova  Qazaqstan tarabynyń Almatyda  EYDU-nyń Eýrazııa aptalyǵyn ótkizý bastamasyna qoldaý bildirgeni úshin  EYDU bas hatshysy Anhel Gýrrıaǵa alǵysyn bildirip, ony tabysty ótkizýge tilektes ekendigin basa aıtty.