Almatyda Eýropa men Azııadaǵy bilim men tájirıbe almasý týraly halyqaralyq semınar bolady
Ony Qazaqstannyń «Eldanı» qaıyrymdylyq qory men AQT-tyń Balalar úshin ǵalamdyq qory (GFC) birlesip uıymdastyryp otyr. Oǵan Qazaqstan, Qyrǵyzstan, Tájikstan, Reseı, Ýkraına, Moldova jáne AQSh-tyń kommertsııalyq emes uıymdarynyń jetekshileri qatysady. Onda uıymdastyrýshylyq qurylym men motıvatsııa, fandreızıng jáne tıimdi basqarý, sondaı-aq áleýmettik kásipkerlik pen medıa boıynsha trenıngter ótedi.
«Bul bilim beretin semınardy uıymdastyrý úshin GFC úsh kún ishinde kóptegen máselelerdi talqylap, qarym-qatynasty ornatýdy sóz etetin álemniń 6 elinen 16 uıymdy jınady. Semınardyń negizgi maqsaty - tájirıbe almasý, uıymdastyrýshylyq áleýetin bekitý jáne qarym-qatynas ornatý», - deıdi Balalar úshin ǵalamdyq qorynyń Eýropa óńiri men Eýrazııadaǵy baǵdarlamalar mamany Djozef Bednarek. Onyń aıtýynsha, qatysýshylar óz baǵdarlamalaryn iske asyrý tájirıbesimen, atap aıtqanda bilim berý aıasyndaǵy jumysy men jabdyqtary jáne bilimimen almasa alady. Uıymdastyrýshylyq áleýetin bekitýde - qatysýshylar uıymdardyń jobalar men baǵdarlamalardy iske asyrý qabilettiligin kúsheıtýmen baılanysty máseleler men qajettilikterdi anyqtap, saraptama jasaıdy. Al qarym-qatynas ornatýda - seriktestik pen bilim almasýǵa baılanysty ortaq basymdyqtar, múddeler men qıynshylyqtardy anyqtap talqylaı alady.