Almatyda «Eýroodaq jáne Ortalyq Azııa: róli men mańyzy» atty konferentsııa ótti

Onda Eýroparlament sotsıalısteri men demokrattarynyń progressıvti alıansy toby men elimizdiń birqatar saıası partııalary kezdesti. Basqosý aıasynda Qazaqstannyń áleýmettik jáne saıası jaǵdaılary, demokratııalyq ustanymdar men adam quqyqtary jóninde talqylaýlar bolyp, kúrdeli máselelerdiń sheshý joldary qarastyryldy.

«Qazirgi tańda Ortalyq Azııada ekonomıkasy qarqyndy damyp kele jatqan Qazaqstan Eýroodaq úshin de, álem úshin de óte mańyzdy memleket. Sondyqtan, biz osy elmen saıası-ekonomıkalyq tyǵyz qarym-qatynastar ornatýǵa múddelimiz. Sol arqyly biz Qazaqstannyń onan ári ekonomıkalyq damýyna úles qosyp, Ortalyq Azııa memleketterimen baılanystarymyzdy bekite túsemiz», dedi Adrıan Severın.

Otyrysqa Qyrǵyzstan men Tájikstan saıası uıymdarynyń ókilderi de qatysyp, pikirlerin ortaǵa saldy. Konferentsııanyń keshegi jumysynda «Demokratııa men azamattyq qoǵam saıasatynyń damýy» taqyryby qozǵalyp, oǵan Qazaqstan, Qyrǵyzstan, Tájikstan, Ózbekstan jáne Túrikmenstannyń saıası jáne qoǵamdyq uıymdary men JOO ókilderi qatysty.