Almatyda eýrazııalyq yqpaldastyqty damytýdyń máseleleri men keleshegi týraly halyqaralyq konferentsııa ótip jatyr
MATY. 13 qazan. QazAqparat /Erlik Erjanuly/ - Biz Kedendik odaqty qurýdy aıtarlyqtaı ilgeri jyljytyp, biryńǵaı kedendik terrıtorııany qalyptastyrýdy aıaqtadyq. Ony Kedendik odaq komıssııasynyń Jaýapty hatshysy Sergeı Glazev búgin Almatyda ótip jatqan «Kedendik odaq jáne EýrAzEQ Biryńǵaı ekonomıkalyq keńistigi: ary qaraı yqpaldasýdyń keleshegi» dep atalatyn VI Halyqaralyq konferentsııada aıtty.
«2012 jyly 1 qańtardan bastap Biryńǵaı ekonomıkalyq keńistik boıynsha kelisimder toptamasy iske qosylady. Sonymen birge birqatar kúrdeli máseleler týyndaıdy. Atap aıtqanda, jalpy kapıtal naryǵyn retteýde valıýtalyq retteý men bank júıesiniń ashyqtyǵyna qatysty kóptegen saýaldar áli ashyq tur», - deıdi S.Glazev.
Onyń aıtýynsha, bul konferetsııada olardyń kópshiligi talqylanyp, ıdeıalar aıtylyp, usynystar jasalady. Oǵan Eýrazııa damý bankiniń múshe-elderiniń memlekettik basqarý organdarynyń jetekshileri, EýrAzEQ pen TMD memleketteriniń sarapshylary men ǵalymdary qatysýda.
