Almatyda Eýrazııalyq sán aptalyǵy bastaldy

Sán aptalyǵynyń birinshi kúni jas dızaınerlerdiń Fashion For Future halyqaralyq sán baıqaýynyń fınaly ashylady, sodan keıin qazaqstandyq jáne sheteldik dızaınerler óz jumystaryn jalǵastyrady. Jeńimpaz Mılandaǵy Eýropalyq dızaın ınstıtýtynyń jazǵy mektebinde oqýǵa grant alady. Al, gran-prı ıegerine, kollektsııalaryn Eýrazııalyq sán aptalyǵynyń kelesi maýsymynda usynýǵa múmkindik beriledi.

«Bizde mobıldi sán aptalyǵy bar. Ol eýrazııalyq keńistiktiń kez-kelgen jerinde ótkiziledi. Kelesi el Ońtústik Koreıa, Japonııa, Grýzııa jáne t.b. elder bolýy múmkin. Bul barlyq dızaınerler úshin Made in Kazakhstan brendin damytýǵa basa nazar aýdaratyn kásibı ınteraktıvti bıznes-alań. Qazir biz bıznes baǵytynda qozǵalamyz. Biz sán áleminiń kásibı mamandaryn shaqyrttyq. Olar bizben ózderiniń tájirbıesimen bólisip, qalaı satýǵa bolatynyn úıretedi», - dedi EFW bas prodıýseri Irına Baıjanova.

Qazaqstanda eýrazııalyq sán aptalyǵy 28 tamyzda Nur-Sultanda bastalyp, úsh kúnge sozyldy. Endi sán keshi Almatyda ótedi. Osy kúnderi joba aıasynda jergilikti brendti damytýǵa arnalǵan sheberlik-synyptar uıymdastyrylady. Sondaı-aq, osy salanyń basqa da mańyzdy máseleleri ortaǵa salynady. «Atameken» QR UKP jáne «Kazakh Invest» UK qatysýymen memlekettik baǵdarlamalar men múmkin bolatyn memlekettik ınvestıtsııalar týraly pikirtalas alańy men semınarlar ótpek.

Sharaǵa ártúrli elderden sala mamandary arnaıy shaqyrtyldy.Olar, «Qazaqstandaǵy isker áıelder», Design culture and Designre searchin Fashion Styling, The future of fashion between e-commerce and new stores, sán ındýstrııasyndaǵy neıromarketıng, FASHION taqyryptaryn talqylaıdy.

«Jalpy, qazirgi ýaqytta Qazaqstandaǵy sán ındýstrııasy damýda. Bul jerde tabysty dızaınerler bar bolsa da, olardyń jetistigi tek osy eldiń aýmaǵynda ǵana kórsete alady. Meniń oıymsha, belgili bir dızaınerdiń jetistigin baǵalaý, ony shet elge tanytý búgingi kúniń talaby. Men munda tabysty dızaınerlerdiń bar ekendigine kóz jetkizdim. Mundaı dárister men sharalar sán áleminiń damýyna yqpal etedi,- dedi qonaqtardyń biri, San-Frantsısko Óner akademııasynda SocialMedia ortalyǵynyń negizin qalaýshy Stefan Rabımov.

Sonymen qatar, EFW bas prodıýseri Irına Baıjanova qazirgi kezde álem dızaınerleriniń ne qalaıtyndyǵyn aıtty.

«Osy maýsymdaǵy eń sándi tús - bul sary. Bul tústi álemniń barlyq sán dızaınerleri qoldanýda. Trendter túske baılanysty anyqtalady jáne ár dızaıner óz qoltańbasyn ustanady », - dep qosty ol.

Jobany qala ákimdigi men «Visit Almaty» uıymdastyrdy. Bul shara álemdik deńgeıdegi dızaınerlerdiń basyn qosyp qana qoımaı, sonymen qatar jańa esimderdi ashýǵa arnalǵan.