Almatyda “Eýrazııa” kınofestıvali aıasynda Amerıka derekti fılmderiniń festıvali ótip jatyr

Atalmysh shara jyl saıyn halyqaralyq "Eýrazııa" kınofestıvali aıasynda ótkizilip keledi.

Bıyl Amerıka derekti fılmderiniń festıvali kórermen nazaryna túrli syılyqtar men marapattarǵa ıe bolǵan úzdik týyndylardy usyndy. Derekti fılmder azamattyq quqyqtar, soǵys ardagerlerine medıtsınalyq qyzmet kórsetý, qorshaǵan ortany qorǵaý jáne sóz bostandyǵy sııaqty san alýan taqyryptardy qamtıdy. Ol fılmderde sonymen qatar, táýelsiz dokýmentalıster Amerıka qoǵamy men mádenıetiniń túrli qyrlaryn sıpattaıdy.

Fılmder Silk Way City kınoteatrynda orys tilindegi sýbtıtrlarmen kórsetiletin bolady.

"Eýrazııa" kınofestıvali aıasyndaǵy derekti fılmderdiń kórsetilimi - eki el arasyndaǵy yntymaqtastyqtyń mysaly. Mádenı almasý jónindegi baǵdarlama árqashan elshiliktiń mańyzdy jumystarynyń biri bolyp tabylady",-dedi AQSh-tyń Qazaqstandaǵy Elshiliginiń mádenıet, BAQ, bilim suraqtary boıynsha keńesshisi Djefrı Sekston búgin Almatyda ótken baspasóz máslıhatynda.