Almatyda etnıkalyq qonystaný týraly alqaly jıyn ótedi
ALMATY. 18 tamyz. QazAqparat /Erlik Erjanuly/ - Almatyda 6 qyrkúıekte Dúnıejúzi qazaqtary qaýymdastyǵy men QR Іshki ister mınıstrligi Kóshi-qon komıteti janyndaǵy etnıkalyq qonystaný jónindegi keńestiń uıymdastyrýymen dóńgelek ústel jıyny ótedi.
Bul basqosýdyń kún tártibinde 2 másele qaralmaq. Birinshisi - QR Prezıdenti, Dúnıejúzi qazaqtary qaýymdastyǵynyń tóraǵasy Nursultan Nazarbaevtyń 2011 jylǵy 25 mamyr kúngi Dúnıejúzi qazaqtarynyń ІÚ quryltaıynda sóılegen sózinen týyndaıtyn mindetterdi oryndaý týraly. Ekinshisi - «Halyqtyń kóshi-qony jónindegi» Qazaqstan Respýblıkasynyń jańa zańyna sáıkes etnıkalyq qonystanýdy uıymdastyrý jóninde. Ony Dúnıejúzi qazaqtary qaýymdastyǵy tóraǵasynyń birinshi orynbasary, Kóshi-qon komıteti janyndaǵy etnıkalyq qonystaný jónindegi keńestiń tóraǵasy Talǵat Mamashev júrgizetin bolady. Al negizgi baıandamalardy - QR Bilim jáne ǵylym mınıstrliginiń dıaspora máselelerimen tikeleı aınalysatyn vıtse-mınıstri, QR ІІM Kóshi-qon komıtetiniń tóraǵasy jáne QR Syrtqy ister mınıstrliginiń Konsýldyq qyzmet dırektory jasaıdy dep josparlanýda.
