Almatyda estý protezine qatysty elimizdegi tuńǵysh kúrdeli ota jasalady
S.Asfendııarov atyndaǵy Qazaq Ulttyq medıtsınalyq ýnıversıtetiniń Aqsaı aýrýhanasynyń mamandary 6 jastaǵy Ulmeken Nurlanqyzynyń qulaǵynyń ishine protez ornatady. Qyzdyń qulaǵy týǵannan nashar estıdi.
Aıta ketý kerek mundaı ota Qazaqstanda birinshi ret jasalyp otyr.
«Aldymen qyzdyń syrtqy estý jolyndaǵy irińdegen holesteatoma alynyp tastalady. Sosyn qulaǵynyń ishine protez ornatylady. Sonyń arqasynda qyzdyń estý qabileti jaqsara túsedi», - dedi baspasóz qyzmetinen.
Arnaıy sheberlik sabaǵy Densaýlyq saqtaý mınıstrliginiń qoldaýymen uıymdastyrylyp otyr. Kúrdeli operatsııany LOR-ortalyǵy basshysy Aıgúl Medeýlova men reseılik professor Hassan Dıabtyń basshylyǵymen Aqsaı emhanasynyń mamandary jasaıdy.
Sondaı-aq, joǵary bilikti mamandar komandasy 17 jastaǵy Janat Mámbetovke de kúrdeli ota jasap, syrtqy estý jolynyń atrezııasyn alyp tastaıdy. Sosyn ortańǵy qulaqtyń protezi ornatylady. Osylaısha týǵannan oń jaq qulaǵy estimeıtin jas balanyń estý qabileti jaqsara túspek.
Aıta ketý kerek, buǵan deıin emhana mamandary tek dıagnoz qoıýmen ǵana shektelip kelgen bolatyn. Osyndaı dıagnozy bar adamdar shetelge baryp emdelýge májbúr bolatyn.