Almatyda eski úılerdiń 40 paıyzy Túrksib aýdanynda ornalasqan
Qala basshysynyń sózinshe, búgingi kúni jeke qurylys salýshylar 17 kóppáterli turǵyn úı salyp jatyr, olarǵa eski úılerdiń turǵyndary kóshiriledi.
«Osıpenko kóshesinde 59 páterlik 2 kóppáterli turǵyn úıdiń qurylysy jyl sońyna deıin aıaqtalady. Onda biz Chernyshevskıı – Saýranbaev – Moldaǵalıev – Tolstoı kósheleriniń sharshysynda ornalasqan 4 eski úılerdiń turǵyndaryn ýaqytsha kóshirmekpiz. Bul bizge kelesi jyly osy 4 úıdi buzyp, 214 páterlik 10 úı qurylysyn bastaýǵa múmkindik beredi»,- dedi ol.
Sonymen qatar, atalǵan kóshelerdiń aýmaǵynda 152 páterlik 7 kóppáterli turǵyn úı salynyp jatyr. Onyń ishinde eski úılerdi jańartý baǵdarlamasy boıynsha 48 páter aınalymdaǵy turǵyn úıge arnalǵan. Bul úıler 2023 jylǵy mamyrda paıdalanýǵa beriledi.
«Atalǵan nysandar aıaqtalǵannan keıin biz Spartak, Aqyndar kóshesindegi taǵy 8 úıdiń turǵyndaryn kóshirýdi josparlap otyrmyz. Kassın, Kotelnıkov kósheleri, Seıfýllın dańǵylynyń sharshysynda 432 páterge 8 kóppáterli turǵyn úı qurylysy júrip jatyr. Úıler 2023 jyldyń shilde aıynda tapsyrylady. Onda atalǵan sharshynyń 15 eski úıiniń turǵyndary kóshiriledi»,- dedi Erbolat Dosaev.
Budan bólek, jeke qurylys salýshymen «Altaı-2» shaǵyn aýdanyndaǵy eki qabatty 57 úıdi renovatsııalaý boıynsha memorandým jasaldy. 2023 jyly І kezeńde 18 eski úılerdiń turǵyndaryn kóshirý úshin 2 turǵyn úı salynatyn bolady.
Sonymen qatar, ol Almatyda eski úılerdiń 40 paıyzy Túrksib aýdanynda ornalasqan atap ótti.
«Túrksib aýdanynda 1229 kópqabatty kóppáterli turǵyn úı qory bar, onyń ishinde 594 úı eski turǵyn úı sanatynda. ıAǵnı, qalanyń barlyq eski qorynyń 40 paıyzy»,- dedi qala ákimi.
Sondaı-aq ákim eski úıler turǵyndardyń kelisimimen ǵana buzylatynyn eske saldy.
