Almatyda eski úı turǵyndaryna jańa baspana berilmek
ALMATY. QazAqparat - Almaty ákimdigi eski turǵyn úılerdiń turǵyndaryn kóshirý týraly máseleni qarastyryp jatyr, dep habarlaıdy QazAqparat tilshisi.
Qala qurylysyn baqylaý basqarmasynyń habarlaýynsha, bul turǵyndardyń baspanasyn arnaıy komıssııa «eskirgen» degen qorytyndy shyǵarǵan.
Ákimdik qazir bir qurylys kompanııasymen kelissóz júrgizip jatyr. Bul kompanııa jaqynda Túrksib aýdanynda Seıfýllın dańǵylyna jaqyn jerde turǵyn úıdiń qurylysyn bastaıdy.
Ótken ǵasyrdyń ortasynda salynǵan úıde turyp jatqan turǵyndardyń endi aýdany keńirek jańa baspana alýǵa múmkindigi bar.
«60-70 jyl buryn salynǵan úılerdiń sharshy metri qazirgi normaǵa saı kelmeıdi. Eń kishkentaı páterde turyp jatqan turǵyndar 15 sharshy metrge artyq baspana ala alady. Eger, turǵyndar budan úlkenirek baspana alǵysy kelse, onda qurylys kompanııasymen kelisýi kerek», - dedi Almaty ákiminiń orynbasary Muhıt Ázirbaev.
Ákimniń orynbasary Alataý aýdanynda «Nurly jer» baǵdarlamasy boıynsha salynyp jatqan 23 úıdiń abattandyrylý protsesimen tanysty.
Aıta ketý kerek, Qazaqstanda sport alańqaılaryna qural-jabdyq shyǵaratyn kompanııalardyń sany artyp keledi. Osyndaı óndiris oryndarynyń biri Almatyda ornalasqan.
