Almatyda eski 10 úıdiń ornyna on bir turǵyn kesheni salynady
ALMATY. QazAqparat- Almatynyń Jetisý aýdanynda eski kópqabatty 10 úı súrilip, ornyna jańa 11 úı salynatyn boldy. Bul týraly aýdan ákimi Muhtar Tájibaev aıtty, dep habarlaıdy QazAqparat tilshisi.
«Bekitilgen jobaǵa sáıkes, Botkın- Raıymbek- Pavlenko- Kazakov kósheleriniń aýmaǵyndaǵy 10 úıdi súrip tastaý josparlanyp otyr. Qulatylǵan úılerdiń ornyna 11 kóp páterli 9 qabatty jańa úı turǵyzylady. Qurylys júrgiziletin jerdiń jalpy aýmaǵy - 2,2 ga, 4354,49 sharshy metr úı salynady, keshenniń jalpy aýmaǵy - 37 410 sharshy metr. Barlyǵy- 513 páter», - dedi Muhtar Tájibaev.
9 qabatty 11 úı megapolıstegi «Eski úılerdi súrý» baǵdarlamasy aıasynda salynady. Jobany «Rıgolıt» JShS men «Turǵyn úı qurylys jınaq banki» júzege asyrady.
Aıta keteıik, atalǵan aýdanda turǵyndar úshin Pervomaıskıı aýylynda jeke ambýlatorııa ashylyp, Aınabýlaqyqsham aýdanynda 2018 jyly memlekettik-jeke seriktestik baǵdarlamasy aıasynda 10-ǵa jýyq jeke balabaqsha ashylady.
