Almatyda esirtkitekti jáne psıhotroptyq dárilerdi saqtaý erejesin buzǵan medbıke jaýapkershilikke tartyldy
ALMATY. QazAqparat - Almatyda «Dopıng» shuǵyl aldyn alý sharasy barysynda polıtsııa qyzmetkerleri medıtsınalyq mekemelerdiń birinen esirtkitekti jáne psıhotroptyq zattardy saqtaý jáne ustaý erejeleriniń buzylǵandyǵyn anyqtady. Bul jóninde búgin qalalyq ІІD baspasóz qyzmetinen habarlady.
«13 mamyr kúni saǵat 15:00-de bizdiń bólimsheniń qyzmetkerleri jergilikti ýchaskelik ınspektordyń kómegimen medıtsınalyq mekemelerdiń birinen esirtkitekti jáne psıhotroptyq zattardyń saqtalý erejeleriniń jáne olardy tıisti esepke alý tártibiniń buzylǵandyǵyn anyqtady. Naqty aıtar bolsaq, qazir aınalymnan myna preparattar alyndy: fentanıl - 245 ampýla, brıýzepam - 272 ampýla, promedol - 49 ampýla. Erejelerdi buzǵany úshin dári-dármekpen qamtamasyz etýge jaýapty medbıke jazaǵa tartyldy. Odan eshqaıda ketpeý týraly qolhat alyndy», - dedi Almaty qalasy ІІD esirtki bıznesimen kúres basqarmasynyń bastyǵy Azamat Sadyrov.
Ol, sondaı-aq, laýazymdy tulǵalardyń esýastandyrǵysh jáne ýly zattardy, olarǵa qosa prekýrsorlardy, ıaǵnı esirtki óndirýge qoldanylatyn zattardy esepke alý jáne saqtaý jumystaryna jaýapkershilikpen qaraý kerektigin jetkizdi.
12 mamyr kúni qolǵa alynǵan «Dopıng» shuǵyl aldyn alý sharasy 16 mamyrǵa deıin jalǵasady. Aktsııa barysynda polıtsııa qyzmetkerleri elge esirtki jetkizý joldaryn anyqtaý jáne jolyn kesý, sonymen qatar baqylaýdaǵy esirtki, ýly jáne prekýrsorlardyń kemý joldaryn anyqtaý jáne jolyn kesý maqsatynda memlekettik medıtsınalyq mekemelerde tekserý jumystaryn júrgizýde.
