Almatyda «Esirtkisiz bolashaq bizdiń qolymyzda!» degen taqyrypta áleýmettik jarnama baıqaýy ótýde
Atalmysh sharanyń uıymdastyrýshylary - «Bolashaq jastardyń qolynda» qoǵamdyq birlestigi men «Salaýatty ómir saltyn qalyptastyrý» ortalyǵy.
«Baıqaý qarasha aıynyń ortasynda jarııalanǵan bolatyn. Osy ýaqytqa deıin 40-tan asa jumys kelip tústi, onyń ishinen 17 jumys iriktelinip alyndy. Al beınerolıkterden 15 jumys kelip tústi, odan eń úzdik degen 5 jumys tańdap alyndy. Baıqaýǵa joǵary oqý oryndarynyń stýdentteri belsendi qatysýda. Búginde esirtkige qatysty másele qoǵamdy eń ózekti máseleniń biri bolyp otyr. Sondyqtan bul baıqaýdy uıymdastyrýdaǵy maqsatymyz - jastardy salaýatty ómir saltyn qalyptastyrýǵa shaqyrý, esirtkiden aýlaq bolýǵa úndeý, onyń densaýlyqqa, adam ómirine qaýipti ekendigin jastardyń sanasyna jetkizý, qoǵamdy esirtki máselesine nazar aýdartý bolyp tabylady», - dedi «Bolashaq jastardyń qolynda» qoǵamdyq birlestigi dırektorynyń orynbasary Jalǵas Qurmanbaev.
Onyń aıtýynsha, eń úzdik beınerolıkter aldaǵy ýaqytta telearnalar men radıolarda taratylyp, al plakattar Almaty jáne Almaty oblystarynyń kóshelerinde ilinetin bolady. «Bul jarnamalar qoǵamda esirtki qoldanýshylar sanynyń azaıýyna yqpal etedi degen úmittemiz», - dedi ol.
Búgin baıqaý jeńimpazdary anyqtalyp, baǵaly syılyqtarmen jáne arnaıy dıplomdarmen marapattalatyn bolady.
