Almatyda «Esirtkisiz bolashaq» atty uranmen jastar arasynda shaǵyn-fýtboldan týrnır ótip jatyr
ALMATY. Qyrkúıektiń 3-i. QazAqparat /Ádilet Musahaev/ - Búgin Almatyda «Esirtkisiz bolashaq» atty uranymen Qala kúnine oraı jastar komandalary arasynda shaǵyn-fýtboldan týrnır ótip jatyr, dep habarlaıdy QazAqparat.
Almaty qalasy Jastar saıasatyn damytý memlekettik qory dırektorynyń orynbasary Ǵalym Qojambir memleket halyq arasynda salaýatty ómir saltyn qalyptastyryp, jastardyń sport pen dene shynyqtyrý mádenıetine daǵdylanýyna kóp kóńil bólip otyrǵandyǵyn aıtady. «Búgingi sharanyń maqsaty - alda kele jatqan «azıada-2011» 7-shi Qysqy Azııa oıyndaryn nasıhattaı otyryp, jastardy dene shynyqtyrý jáne sportpen turaqty shuǵyldanýǵa shaqyrý. Sonymen qatar bıyl stýdent qataryna qabyldanǵan jastardyń bir-birimen dostyq qarym-qatynasyn nyǵaıtý», deıdi Ǵ. Qojambir.
Atalmysh týrnırde qaladaǵy joǵary oqý oryndary stýdentterinen jınalǵan 10 komanda baqtaryn synaýda. Jeńimpazdar men júldegerlderge kýboktar, estelik syılyqtar jáne marapattaý qaǵazdary tabystalady.
Týrnırdi Almaty qalasy Jastar saıasaty jónindegi basqarmasynyń qoldaýymen Almaty qalasy Jastar saıasatyn damytý memlekettik qory jáne «damý Qazaqstan-2030» Qoǵamdyq qory uıymdastyrýda.
