Almatyda esirtkiniń taralýyna sebepshi bolǵan 81 saıt anyqtaldy
ALMATY. QazAqparat - Almatynyń quqyq qorǵaý organdary esirtki aınalymymen belsendi kúres júrgizip jatqandaryn málim etti, dep habarlaıdy QazAqparat tilshisi.
Almaty Esirtki bıznesimen kúres komıssııasynyń otyrysynda qalalyq esirtki saýdasymen kúres basqarmasy basshysynyń orynbasary Nurlan Moshkalov búginde esirtki, psıhotroptyq jáne kúshti áser etetin zattardyń taralýynyń aldyn alyp, ǵalamtor resýrstary, áleýmettik jeli men messendjerlerdi baqylaýda ustap otyrǵandaryn aıtty.
«Monıtorıng nátıjesi boıynsha jyl basynan beri 81 saıt anyqtalǵan. Onyń ishinde Telegram messendjeri de bar. Bul ǵalamtor resýrstarynyń mekenjaılary ýákiletti organdarǵa tapsyryldy. Búginge deıin olardyń quziretimen esirtki men psıhotroptyq zattardyń taralýyna sebepshi bolǵan 69 saıt, Qazaqstan aýmaǵy boıynsha 1113 ǵalamtor resýrsy buǵattalǵan»,-dedi Nurlan Moshkalov.
Onyń aıtýynsha, sıntetıkalyq esirtkilerdiń jarnamasyna qarsy sharalar atqarylýda. Ár aýdannyń ІІB, jergilikti polıtsııa ınspektorlary, qaladaǵy jastar uıymdary qylmystyq faktilerdi anyqtap, buǵan qarsy kúresti ákimshilik ǵımarat ıeleri men PIK ókilderimen birigip qolǵa almaq.
Budan bólek Almaty ІІD preparatty jerge tamyzý, turǵyn úılerdiń kireberisinde ıis qaldyrý, sondaı-aq úı qabyrǵalarynda jarnama jazý arqyly sıntetıkalyq esirtkilerdi taratýǵa qatysy bar tulǵalardyń jazaǵa tartylatynyn eskertti.
Atalǵan jaǵdaılarǵa qatysty faktilerdi kezdestirseńiz, sýretke túsirip nemese naqty mekenjaıdy Whatsapp messendjeri arqyly jumys tobynyń nómirine (+7 708 300 0611, +7 776 088 8820) joldaýǵa bolady.
