Almatyda esirtkimen ustalǵan Madmen tobynyń músheleri 15 jylǵa sottalýy múmkin
ALMATY. QazAqparat - Almatyda ustalǵan esirtki satýshylar arasynda tanymal Q-pop oryndaýshylary – Madmen tobynyń músheleri bolǵany belgili. Eger olardyń qylmysy dáleldense 15 jylǵa sottalýy múmkin, dep habarlaıdy QazAqparat tilshisi.
«Qazir olarǵa qatysty qamaýǵa alý sharasy qabyldandy. Іs QR QK-niń 297-baby 3-bóligi boıynsha (esirtki zattaryn asa iri mólsherde zańsyz saqtaý jáne satý) qaralyp jatyr. Eger kúdiktilerdiń kinási dáleldense, onda olar múlkin tárkileýmen 10 jyldan 15 jylǵa deıingi merzimge bas bostandyǵynan aıyrylady»,-dep túsindirdi polıtsııa.
Buǵan deıin, Almatyda sıntetıkalyq esirtkini daıyndap, satty degen kúdikpen ustalǵan 10 adamnyń 2-eýi atalǵan shyǵarmashylyq topqa qatysy bar ekeni týraly jazǵan bolatynbyz.
