Almatyda esirtkimen kúres kúnine oraı taý velosportynan jarys ótti
ALMATY. Shildeniń 7-si. QazAqparat /Ádilet Musahaev/ - Shildeniń 4-i - halyqaralyq esirtkimen kúres kúnine oraı Almatydaǵy Shymbulaq taý shatqalynda jastar arasynda taý velosportynan saıys ótti.
«Sharanyń basty maqsaty - salaýatty ómir saltyn qalyptastyryp, qoǵam nazaryn esirtkimen kúres máselesine aýdartyp, AQTQ, JQTB indetiniń zardaby men onyń taraý joly jaıynda keńirek maǵlumat berý», deıdi Respýblıkalyq JQTB men kúres ortalyǵynyń qoǵammen baılanys bóliminiń mamany Iren Sýknıdze.
Qazirgi kúni elimizde 14658 adam AQTQ boıynsha tirkelse, olardyń basym bóligi jastar eken. Mamandardyń aıtýynsha bul indetke kóbinde esirtkige áýes jandar men jeńil júristi adamdar kóptep shaldyǵady.
Atalmysh sharaǵa jalpy 1000-ǵa jýyq jastar qatysyp, eriktiler jurtshylyqqa JQTB men AQTQ dertteri jaıynda jazylǵan kitapshalardy taratty.
