Almatyda esirtkige táýeldi adamdardy tonaıtyn «polıtseı» ustaldy
ALMATY. QazAparat – Almatyda buryn bireýdiń múlkin urlaǵany úshin qylmystyq jaýapkershilikke tartylǵan 39 jasar er adam taǵyda qylmys jasady. Kúdikti óziniń qurbandaryn dárihananyń aldynda qarýyldaǵan, dep habarlaıdy QazAqparat tilshisi.
«Shabýyl jasaýshy tis qaqqan alaıaq. Ol kóligin dárihananyń aldyna qoıyp, esirtkige táýeldi adamdardy ańdyp otyrǵan. Keıin dárihanadan shyqqan adamnyń janyna kelip, ózin polıtsııa qyzmetkeri retinde tanystyryp, kóligine otyrýdy talap etken. Jábirlenýshisiniń álsizdigin baıqap, oǵan qysym jasaıdy. ıAǵnı, esirtki qoldanǵanyn moıyndaýǵa májbúrlep odan aqsha talap etken. Tipti, jábirlenýshilerdiń birinen uıaly telefonyn tartyp alǵan. Aıta ketý kerek, kúdiktiniń qolynda jalǵan kýáligi de, ústinde polıtsııa qyzmetkeriniń kıimi de bolmaǵan»,- deıdi Áýezov aýdandyq polıtsııa basqarmasynyń bastyǵy Jasulan Turyspaev.
Jedel-izdestirý is-sharalary barysynda 39 jastaǵy kúdikti ustaldy.
Jaýap alý kezinde ol istegen isin tolyqtaı moıyndap, jábirlenýshige qatysty zattaı dálelderdi óz erkimen berdi. Ol Almaty qalalyq PD ýaqytsha ustaý ızolıatoryna qamaldy.
Onyń osyǵan uqsas qylmystarǵa qatystylyǵy tekserilýde.
